Mig er farið að langa að blogga á gamla staðnum aftur. Æ, ég veit ekki. Veit ekki neitt. www.kristinlitla.blogspot.com

VATN

75% Bandaríkjamanna eru með krónískan ofþurrk. (Á sennilega við helminginn
af íbúum jarðar)
Hjá 37% Bandaríkjamanna er þorstaskynjunin orðin svo slök að hún er oft
túlkuð sem hungur.

Jafnvel vægur ofþurrkur getur hægt á brennslukerfi líkamans um 3%.

Eitt glas af vatni nægði til að slá alveg á hungurverki seint að kvöldi
hjá næstum 100% þátttakenda
í könnum hjá Háskóla í Washington.

Ónóg neysla af vatni, er í FYRSTA SÆTI yfir það sem veldur þreytu yfir
daginn.

Niðurstöður úr einni könnun gefa til kynna að drekki fólk 8-10 glös af
vatni yfir daginn
gæti það létt á bakverkjum og liðaverkjum hjá allt að 80% þeirra sem þjást
af þessum verkjum.

Ef vatnið í líkamanum minnkar um aðeins 2% getur það valdið lélegu
skammtímaminni,
erfiðleikum með einfalda stærðfræði og skorti á einbeitingu við lestur á
tölvuskjá eða annað prentmál.

Að drekka 5 glös af vatni á dag dregur um 45% úr áhættu á krabbameini í
þörmum auk þess sem það getur dregið
allt að 79% úr áhættu á brjóstkrabba og lækkar áhættu karlmanna á
blöðruhálskrabbameini um 50%.

Viltu ekki fá þér vatnssopa??



KÓK

Í mörgum bandarískum fylkjum er vegalögreglan með 10 lítra af kóki bílunum
hjá sér til að þrífa blóð af vegum eftir umferðarslys.

Þú getur sett T-Bone steik í skál af kóki og hún verður horfin eftir 2 daga.

Til að hreinsa klósettið:
Helltu einni dós af kók ofan í klósetið, bíddu í eina klukkustund og
sturtaðu svo niður. Sýran í kókinu leysir upp bletti.

Til að fjarlægja ryðbletti af krómstuðurum: Dýfðu krumpuðum álpappír í kók
og nuddaðu stuðarann.

Til að hreinsa rafgeyminn í bílnum: Helltu einni dós af kók yfir
rafgeymatengslin.

Til að losa ryðgaðan bolta (skrúfu). Rennbleyttu tusku með kóki og haltu
henni að boltanum í nokkrar mínútur.

Til að fjarlægja fitubletti úr fatnaði: Helltu einni dós af kók í
þvottavélina bættu við þvottaefni og þvoðu eins og venjulega. Kókið leysir
upp fitublettina.

Framrúðan á bílnum þínum hreinsast líka vel með kóki.

Virka efnið í kók er phosphoric acid. Ph í kók er 2.8. Það getur leyst upp
nögl á ca fjórum dögum.

Til að flytja Coca-Cola sýrópið (fullan styrk) þurfa
vöruflutningabifreiðar að hafa á sér viðvörunarskilti
sem einungis eru notuð á bíla sem annast flutning á MJÖG ÆTANDI EFNUM.

Dreifingaraðilar Coca-Cola hafa notað gosdrykkinn í um það bil 20 ár til
að hreinsa vélarnar í trukkunum hjá sér.

Langar þig enn í hressandi dós af Cola drykk?

Netið er búið að vera í lagi síðan ég tilkynnti að ég nennti ekki að blogga lengur. Ætli það detti ekki út á eftir svo.

Það er ekki mikið að frétta. Ég er núna á ljósmyndanamskeiði, búin að vera síðustu tvö kvöld og verð í kvöld líka. Er auðvitað að vinna alla daga frá 8-16 og líkar dagmömmuhlutverkið bara vel. Er núna búin að vera dagmamma í 3 mánuði og þetta venst alltaf betur og betur. Það er ein að fara að hætta hjá mér næstu mánaðamót því hún er búin að fá pláss á leikskóla. Ji, maður bara kvíður fyrir að kveðja. Manni finnst maður eiga svo mikið í þeim :)

Síðustu helgi fór Rikki í jeppaferð upp á Vatnajökul með Trausta þannig að við mæðgur vorum bara tvær í kotinu. Á föstudagskvöldinu vorum við heima hjá Döggu að hafa kósí. Andrea og Tristan sofnuðu saman og við Dagga gláptum á videó og borðuðum popp, lúxuslíf :) Á laugardeginum skelltum við Andrea okkur upp í Grímsnes í bústaðinn til mömmu og Baldurs. Um kvöldið fengum við geggjaðar nautalundir og svo spiluðum við frameftir. Andrea skemmti sér líka konunglega enda elskar hún Birgittu og Bjarka og það er nóg að leika sér að í kringum bústaðinn.

Á sunnudaginn brunuðum við heim upp úr hádegi en um kvöldið kom pabbi í mat. Ég eldaði handa honum Mango chutney kjúkling... hann hefur örugglega fengið hann fimm sinnum áður haha en hann er svo góður :)

Andrea á afmæli eftir 8 daga, verður 5 ára! Vá! Ég trúi ekki að hún sé að verða svona stór, byrjar í skóla á næsta ári! Ég er að hugsa um að halda afmælið hennar á laugardaginn næsta, þá er það búið :) Eurovision er líka helgina á eftir! Spennó!

ÉG BLOGGAÐI! Bless í bili :)

Er svona að spá í að hætta bara að blogga. Ég hef ekkert að segja og svo er netið hjá mér stundum í lagi og stundum ekki. Ég sé til....

Netið hjá mér er búið að vera óþolandi síðustu vikur en núna er það komið í lag takk fyrir góðan daginn! Ég get bloggað og skoðað hvaða síðu sem er án þess að detta út! Húrra!

Í kvöld ætla ég í nudd og svo í ljós, ó það verður yndislegt!!

Til stóð að djamma næsta laugardagskvöld heima hjá Karó en því er frestað um eina viku... sem er allt í góðu, ég kemst ávallt. Þetta verður þriðja djammið mitt síðan í desember. Hvað er númerið á Vogi?

Netið hjá mér er búið að vera svo leiðinlegt undanfarið, það er ástæðan fyrir að ég hef ekki bloggað. Ég get skrifað færslu en svo þegar ég reyni að vista þá dettur allt út og mér er hent út af netinu. Kannski gerist það núna líka.

Laugardagskvöldið fyrir viku var skemmtilegt og það eru komnar myndir í albúm frá kvöldinu :)

Jæja, afsakið blogglélegheitin. Ég er ekki lengur veik sem er mjög gott en ég heyri samt bara með öðru eyranu sem er ekki jafngott, sérstaklega ekki þar sem ég ætla að fara að þenja raddböndin næsta laugardagskvöld með Döggu og Karó. Maður getur ekki sungið með hálfa heyrn... kannski ef maður er nógu fullur, ég veit það ekki. Það kemur að minnsta kosti í ljós!

Ég er nammisjúk þessa dagana. Bara síðan klukkan 12 er ég búin að borða eitt Curly-wurly, tvo sterka bróstsykra og hálfa plötu af suðusúkkulaði. Samt langar mig í subway!

X-factor? Já, það er kannski ágætt að Gylfi datt út síðasta föstudagskvöld. Ég var búin að segja að það væri kominn tími á hann en samt vorkenndi ég honum þegar hann datt út. Ég held með Jógvan og Hara-stelpunum. Ég hélt að ég myndi aldrei detta inn í þennan þátt, fannst hann eitthvað svo furðulegur en hann er betri eftir að hann fór í Smáralindina. Verí spennó!

Eftir að ég byrjaði að horfa á House þættina þá er ég svolítið skotin í þessum manni:



Í kvöld verð ég ein heima, frá kl. 17 og fram á nótt. Rikki er að fara að vinna og Andrea gistir hjá Lillu frænku. Ég er líka lasin, eiginlega svo lasin að ég man ekki hvenær ég var svona hrikalega lasin síðast. Ég fékk loksins lyf í gær, pensilín og sterasprey. Ég var komin með svo hrikalega eyrnabólgu að ég gat ekki hreyft höfuðið. Ég held núna jafnvel að hljóðhimnan sé sprungin. Allavega lekur úr eyranu á mér og ég heyri varla neitt með því. Og bara af því að ég var ekki alveg nógu veik þá byrjaði ég að æla í morgun. Ó þetta er yndislegt líf. Núna er parkódínið í fullu fjöru þannig að ég get setið hér og skrifað þetta.

Kannski er ég bara skotin í Dr. House af því að ég er svona lasin.

Ohh djö! Ég er orðin lasin AFTUR! Ég hélt að ég væri búin með pestina! Æ þetta er svo sem ekkert alvarlegt en ég er kveeeeefuð, get varla andað og þessu fylgir hálsbólga og eyrnabólga. Ég kann ekki við að taka mér frí þannig að ég er nú að vinna þessa daga, enda er þetta allt annað þegar maður þarf ekki að vera að taka sig til og fara út. Vonandi gengur þetta yfir fljótt, er ekki alveg að nenna að verða veik tvisvar í mánuði....

Var ég búin að segja ykkur að ég er mjög glöð og hamingjusöm yfir því að Caridee hafi unnið ANTM? Ég hélt með henni allan tímann!

Síðustu dagar hafa verið frekar furðulegir. Í gær og hinn hef ég ekki verið með nein börn, öll veik. Ég er sem sagt búin að vera dagmamma í þrjár  vikur og strax komin í tveggja daga frí vegna veikinda barna. Ég var að spjalla við aðra dagmömmu á miðvikudagskvöldið og hún sagði mér að á þeim sjö árum sem hún væri búin að vera dagmamma hefði það aldrei gerst að hún hefði verið með ekkert barn heilan dag. Skrítið þegar það hittist svona á.

Í dag er ég með tvö börn en þau eru bæði bara til 13 þannig að þetta verður álíka rólgur dagur. Núna eru þau bæði sofandi. Ég sit hér við tölvuna með kaffi, að drepast úr hungri en nenni ekki að fá mér neitt.

Eftir hádegi á að skella sér í ræktina. Mér hlotnaðist óvænt 3 mánaða kort og ég hef ákveðið að nýta mér það. Ég var ekki nógu dugleg að nota kortið mitt á síðasta ári en nú hef ég jafnvel meiri þörf fyrir að komast aðeins út og rækta sjálfa mig :)

Góða helgi :)